Khutbah I
اَلْحَمْدُ لِلّٰهِ الْمَلِكِ الدَّيَّانِ، وَالصَّلَاةُ وَالسَّلَامُ عَلَى مُحَمَّدٍ سَيِّدِ وَلَدِ عَدْنَانَ، وَعَلَى آلِهِ وَصَحْبِهِ وَتَابِعِيهِ عَلَى مَرِّ الزَّمَانِ، وَأَشْهَدُ أَنْ لَا إِلٰهَ إِلَّا اللهُ وَحْدَهُ لَا شَرِيكَ لَهُ، الْمُنَزَّهُ عَنِ الْجِسْمِيَّةِ وَالْجِهَةِ وَالزَّمَانِ وَالْمَكَانِ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُولُهُ الَّذِي كَانَ خُلُقُهُ الْقُرْآنَ. اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّينِ
أَمَّا بَعْدُ، فَيَاعِبَادَ الرَّحْمٰنِ، فَإنِّي أُوْصِيْكُمْ وَنَفْسِي بِتَقْوَى اللهِ المَنَّانِ، الْقَائِلِ فِي كِتَابِهِ الْقُرْآنِ: سُبْحٰنَ الَّذِيْٓ اَسْرٰى بِعَبْدِهٖ لَيْلًا مِّنَ الْمَسْجِدِ الْحَرَامِ اِلَى الْمَسْجِدِ الْاَقْصَا الَّذِيْ بٰرَكْنَا حَوْلَهٗ لِنُرِيَهٗ مِنْ اٰيٰتِنَاۗ اِنَّهٗ هُوَ السَّمِيْعُ الْبَصِيْرُ
Jamaah sidang Jum’ah rohimakumulloh
Puji sareng syukur urang haturkeun ka Alloh anu maha gofur. Sholawat sareng salam mugia salamina sing dikucurkeun ka jungjungan alam, ya’ni Kangjeng Nabi Muhammad saw, miwah kulawargina, para sahabatna, dugika urang sadayana salaku umatna.
Teu hilap, sateuacan ngadugikeun khutbah, khotib seja ngadugikeun kagegelan wasiat takwa ka sadayana ahli jumah, wireh takwa anu janten tameng kanggo nyingkahan sagala rupi panyegah Alloh, tur ningkatkeun kato’atan ka Mantenna.
Jamaah sidang Jum’ah rohimakumulloh
Dina wengian Isra Mi‘raj, sanes kanten kenging parentah sholat sacara langsung, Kangjeng Rosul oge diunjukkeun kana sapalih hikmah sareng tanda kaagungan Alloh, sakumaha anu tos masyhur diuningakeun dina Al-Quran:
سُبْحَانَ الَّذِي أَسْرَى بِعَبْدِهِ لَيْلًا مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا
Hartosna, “Maha suci Alloh, Dzat anu tos ngalalampahkeun hamba-Na dina hiji wengi ti Masjidil Haram ka Masjidil Aqsha anu tos Kami berkahan sakurilingna supaya Kami nunjukkeun ka hamba-Na sabagian tina tanda (kaagungan) Kami,” (QS. Al-Isro’ [17]: 1).
Kalintang seeueur hadits anu nyarioskeun perkawis sabagian tanda kaagungan eta, ti kawit ditunjukkeun kana tujuh lapis langit, Baitul Ma’mur, tug nepi ka Sidratul Muntaha. Nyakitu keneh ti kawit ditepangkeun sareng sapalih nabi anu kapungkur, sapertos Nabi Ibrahim, Nabi Musa, Nabi Isa, sareng Nabi Yusuf alaihimussalam, tug dugika ditingalikeun kana gamaran umat anu bagja tur nu cilaka di akhirat.
Jamaah sidang Jum’ah rohimakumulloh
Gamaran perkawis umat Rosululloh anu mung perlente dina cumarita kahadean ka batur, nanging laley dina ngajalankeun eta kahadean keur dirina, disebatkeun dina hadits riwayat Anas ibn Malik. Dina riwayat eta, Kangjeng Rosul nyarioskeun:
رَأَيْتُ لَيْلَةَ أُسْرِيَ بِي رِجَالًا تُقْرَضُ شِفَاهُهُمْ بِمَقَارِيضَ مِنْ نَارٍ، فَقُلْتُ: يَا جِبْرِيلُ مَنْ هَؤُلَاءِ؟ قَالَ: هَؤُلَاءِ خُطَبَاءُ مِنْ أُمَّتِكَ، يَأْمُرُونَ النَّاسَ بِالْبِرِّ، وَيَنْسَوْنَ أَنْفُسَهُمْ، وَهُمْ يَتْلُونَ الْكِتَابَ أَفَلَا يَعْقِلُونَ
Hartosna, “Dina wengian di-isra-keun, kaula ningal sababaraha lalaki anu digunting biwirna ku gunting seuneu. Teras kaula tumaros (ka MalaikatJibril), ‘He Jibril, saha maranehna teh?’ Mantenna ngajawab, ‘Maranehna teh para khotib ti kalangan umat anjeun. Maranehna teh kur pinter marintah kahadean ka batur, tapi poho ka dirina sorangan. Maranehna ngaos Al-Quran, tapi naha teu mikirkeun kandunganna?’” (HR. Ahmad).
Tah kandungan hadits ieu teh akur pisan sareng anu sakumaha anu dijelasken dina Al-Quran:
كَبُرَ مَقْتًا عِندَ اللَّهِ أَن تَقُولُوا مَا لَا تَفْعَلُونَ
Hartosna, “Kacida ageungna bebendu di sisi Alloh yen anjeun ngucapkeun perkara (hade) anu ku anjeun teu dilaksanakeun,” (QS. Ash-Shaf [61]: 3).
Jamaah sidang Jum’ah rohimakumulloh
Salajengna hadits anu ditampi ku Abu Hurairah ngagambarkeun kaayaan umat anu resep kana hasil riba. Langkung paosna, Rosululloh nguningakeun:
رَأَيْتُ لَيْلَةَ أُسْرِيَ بِي لَمَّا انْتَهَيْنَا إِلَى السَّمَاءِ السَّابِعَةِ فَنَظَرْتُ فَوْقِي فَإِذَا أَنَا بِرَعْدٍ وَبَرْقٍ وَصَوَاعِقَ قَالَ: وَأَتَيْتُ عَلَى قَوْمٍ بُطُونُهُمْ كَالْبُيُوتِ فِيهَا الْحَيَّاتُ تُرَى مِنْ خَارِجِ بُطُونِهِمْ فَقُلْتُ: مَنْ هَؤُلَاءِ يَا جِبْرِيلُ؟ قَالَ هَؤُلَاءِ أَكَلَةُ الرِّبَا
Hartosna, “Dina wengian di-isra-keun, nalika dugi ka langit ka tujuh, kaula ningal ka luhureun kaula. Ternyata kaula ningal guludug, kilat, sareng bentar. Teras, kaula ditingalikeun ka hiji kaum anu beuteungna jiga imah anu jerona pinuh ku oray anu katingal ti luar. Teras kaula tumaros ka (Jibril), ‘Saha ari maranehna, Jibril?’ Anjeuna ngawaler, ‘Maranehna teh jalma-jalma anu resep ngadahar hasil riba.’ Kitu sakumaha diriwayatkeun ku Imam Ahmad sareng Imam Ibnu Abi syaibah.
Jamaah sidang Jum’ah rohimakumulloh
Pamandangan anu matak getir oge diunjukkeun ka Kangjeng Rosul salaku gambaran jalma anu resep ngadahar harta batur ku cara zolim, terutama harta anak yatim.
Hal ieu jelas tur atra dina riwayat Abu Said al-Khudri. Dikisahkeun ku Kangjeng Rosul saw:
رَأَيْتُ لَيْلَةَ أُسْرِيَ بِي قَوْمًا لَهُمْ مَشَافِرُ كَمَشَافِرِ الْإِبِلِ وَقَدْ وُكِّلَ بِهِمْ مَنْ يَأْخُذُ بِمَشَافِرِهِمْ ثُمَّ يَجْعَلُ فِي أَفْوَاهِهِمْ صَخْرًا مِنَ النَّارِ يَخْرُجُ مِنْ أَسَافِلِهِمْ فَقُلْتُ يَا جِبْرِيلُ مَنْ هَؤُلَاءِ: فَقَالَ: هَؤُلَاءِ الَّذِينَ يَأْكُلُونَ أَمْوَالَ الْيَتَامَى ظُلْمًا
Hartosna, “Dina wengian di-isro-keun, kaula ningal hiji kaum anu ngagaduhan biwir jiga biwir onta. Di tengah maranehna aya hiji jalma anu dipercaya narik biwir eta. Teras, ke baham maranehna diasupkeun batu tina neraka, sareng eta batu teh keluar ti handapeun maranehna. Maka kaula naroskeun, ‘Saha ari maranehna teh, Jibril?’ Anjeuna ngawaler, ‘Maranehna teh jalma-jalma anu resep ngadahar harta anak yatim ku cara zolim.’” kitu sakumaha keterangan dina Tafsir Ath-Thabari, jilid 7, kaca 27).
Gambaran anu aya dina hadits ieu teh teu pasalia sareng ayat anu pihartosennana, “Saenya-enyana, jalma anu ngadahar anak yatim ku cara zolim sabenerna mah maranehna ngadahar seuneu sapinuh padaharannana,” (QS. An-Nisa’ [4]: 10).
Ieu oge teu pasalingsingan sareng kaedah para ulama:
اَلْجَزَاءُ مِنْ جِنْسِ الْعَمَلِ
Hartosna, “Ari balesan teh eta sarupa sareng amal perbuatanna.”
Nanging, sagigireun ti pamandangan anu pikasieuneun teh, aya oge pangalaman anu pikaresepeun. Salah sawiosna anu diriwayatkeun ku Sayidina Ubay ibn Ka‘b.
Dina eta riwayat dicarioskeun kaangse aroma seuengit anu luar biasa. Saparantosna ditaroskeun ka malaikat Jibril, aroma seuengit eta teh sumberna ti kuburan Siti Masyitah, wanoja anu berjuang mertahankan kaimanan sareng mayunan siksaan Raja Fira’un anu bengis dina katel anu kacida panasna.
Salajengna, kabar anu ngagumbirakeun ditampi ku Kangjeng Rosul nalika ningal hiji tulisan patali sareng kautamaan ngahutangkeun anu natrat di luhur lawang surga.
رَأَيْتُ لَيْلَةَ أُسْرِيَ بِي عَلَى بَابِ الْجَنَّةِ مَكْتُوبًا: الصَّدَقَةُ بِعَشْرِ أَمْثَالِهَا، وَالْقَرْضُ بِثَمَانِيَةَ عَشَرَ
Hartosna, “Dina maleman di-isro-keun, kaula ningal tulisan dina lawang surga, “Sodakoh teh sapuluh kali lipatanna. Sedengkeun ngahutangkeun mah dalapan belas kali lipetna,” (HR. Ibnu Majah).
Aya oge golongan jalmi anu katingal ku Kangjeng Rosul nuju panen. Maranehna panen teu beres-beres. Ka payun can parat, ka tukang tos siap deui alaeun. Barang ditarsokeun eta teh gambaran jalma anu resep kana sodakoh di jalan Alloh tur ganjarannana dilipetkeun kana tujuh ratus. Hal ieu teh akur sareng katerangan ayat Al-Baqarah ayat 261.
Jamaah sidang Jum’ah rohimakumulloh
Ti sabagaian gambaran anu parantos dipidangkeun dina wengian Isra Mi‘raj, hayu urang sami-sami ngagunakeun waktos sesa kahirupan di dunya ieu pikeun tafakur, muhasabah, sareng nyiapkeun diri ku ngalakukeun amal soleh, nyingkahan sagala dosa, sareng nguatkeun iman ka Allah SWT.
بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَ تَقَبَّلَ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرَّحِيمُ
Khutbah II
اَلْحَمْدُ لِلَّهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لَا إِلَهَ إِلَّا اللهُ وَحْدَهُ لَاشَرِيْكَ لَهُ، إِيَّاهُ نَعْبُدُ وَإِيَّاهُ نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهَا الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ أَجْمَعِيْنَ
اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْن
اَللّٰهُمَّ اغْفِرْلَنَا وَلِوَالِدَيْنَا وَارْحَمْهُمَا كَمَا رَبَّيَانَا صِغَارًا، اَللّهُمَّ إِنَّا نَسْأَلُكَ إِيْمَانًا كَامِلاً وَيَقِيْنًا صَادِقًا وَرِزْقًا وَاسِعًا وَقَلْبًا خَاشِعًا وَلِسَانًا ذَاكِرًا وَحَلاَلاً طَيِّبًا وَتَوْبَةً نَصُوْحًا. رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
عِبَادَ اللهِ، إِنَّ اللهَ يَأْمُرُ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ
M. Tatam Wijaya, Penyuluh dan Petugas KUA Sukanagara-Cianjur, Jawa Barat/ islam.nu.or.id